လိုက်ဖက်တဲ့ဘ၀

မင်းချစ်စေချင်သလောက် သူတို့က မင်းကို မချစ်ဘူးလို့ထင်လိမ့်မယ်။ဒါပေမယ့် သူတို့ ချစ်နိုင်စွမ်းသလောက်တော့ မင်းကို ချစ်ကြတယ်။

လိုက်ဖက်တဲ့ဘ၀

ကျွန်မခွေးတွေကို ချစ်တတ်ပါတယ်။ ကျွန်မ ငယ်ငယ်လေးကတည်းက တစ်ကောင်၊ နှစ်ကောင် ဒါမှမဟုတ်ရင် သုံးကောင် ကျွန်မဘေးပတ်ပတ်လည်မှာရှိနေတတ်တာပဲ။ သူတို့လေးတွေက ကျွန်မ မိသားစုဘ၀ ရဲ့ အစိတ် အပိုင်းလေးပါ။ ကျွန်မတို့ အိမ်မှာ ခွေးလေးတွေမရှိဘူးဆိုတဲ့ အချိန်မျိုးတော့ ရှိပါတယ်။ ဒါပေမယ့် အဲဒီလို အချိန်မျိုးကတော့ နည်းပါးပါတယ်ရှင်။

တစ်ဘက် ဖုန်းလိုင်းက အသံက မျှော်လင့်ချက်မဲ့နေတဲ့ အသံမျိုးပါ။ “အမေ ကျွန်တော့်ကို ကူညီပါဦး။ Summer နဲ့ Emie တို့ မတည့်ကြဘူး။အမြဲရန်ဖြစ်နေကြတယ်။ တူတူ ထားလို့ကို မရတာပါ။ ကျွန်တော် Summer ကို အမေ့ အိမ် မှာ ရက် အနည်းငယ်လောက်ထားချင်တယ် အမေ။ ကျွန်တော် ဘာလုပ်ရမယ် ဆိုတာကို စဉ်းစားလို့ မပြီးမချင်းပေါ့ အမေရယ် နော်။“

Summer နဲ့ Emie ဆိုတာ ကျွန်မရဲ့ မြေးခွေးလေးတွေပေါ့။ဘာလို့ လဲဆိုတော့ သူတို့ က ကျွန်မသား Mike နဲ့ ချွေးမလေး Crecent တို့ ရဲ့ ခွေးလေးတွေ မို့ပါ။ Mike ရဲ့နားမှာ ခွေးလေးတွေ အများကြီးရှိပေမယ့် Summer ဆိုတဲ့ ခွေးလေးကတော့ Mike နဲ့ Crecent  လက်ထပ်ကတည်းက မွေးထားတဲ့ခွေးလေးပေါ့။ တစ်ခြားခွေးလေးတွေကို မချစ်ဘူးတဲ့ အချစ်မျိုးနဲ့ ဒီခွေးလေးကို သူ တော်တော်ချစ်ရှာပါတယ်။ သူက အဲဒီခွေးလေးအတွက် ရင်ထဲမှာနေရာ တစ်နေရာ ကို ပေးထားတာလေ။ ကျွန်မ နဲ့ ကျွန်မ အမျိုးသားကလည်း Mike နဲ့ Crecent ကို အတော်ချစ်ပါတယ်။ သူတို့ အတွက်ဆို ဘာပဲလုပ်ရလုပ်ရ လေ။ အဲဒါကြောင့် ကျွန်မအမျုိးသားကို ပြောလိုက်တယ်၊ Mike နဲ့ Crecent ဒီည Summer ကို လာပို့မယ်ဆိုတာကိုလေ။ Summer ကတော့ ညလယ်လောက်မှာရောက်လာပါပြီ။ Emie နဲ့ တိုက်ခိုက်ရလွန်းလို့ မောပန်းနေတဲ့ပုံစံမျိုးလေးပေါ့။ Mike လည်းတူတူပါပဲ။ Emie နဲ့ Summer ရန်ဖြစ်တာရပ်သွားအောင် ကြားကနေ ၀င်ဝင် ခံပေးရတာကိုး။ အဲလိုမှမလုပ်ရင် သူတို့ကလည်း မရပ်ကြဘူးလေ။ ရန်ဖြစ်ကြရင်း လက်လွန်ပြီးသေသွားမှာစိုးလို့ပါ။ Emie က Summer ထက်အကောင်ကြီးပေမယ့် ၊ Summer ကတော့ သူ့ထက်ပိုသွက်လက်တယ်လေ။ နှစ်ကောင်ယှဉ်ရင် ဘယ်သူနိုင်မလဲဆိုတာတော့ ကျွန်မမမှန်းတတ်တော့ဘူး။

          Summer က Jindo မျိုး၊ အဲဒီမျိုး ကို Summer အိမ်ရောက်လာမှ ကျွန်မတို့ စကြားဖူးတာပါ။ အရွယ်အစားကတော့ အလယ်အလတ်ပါပဲ။ အဲဒီမျိုးက Korea ကနေစတာပါ။ United States ကို 1980’s လောက်ကမှစရောက်တာပါ။ Jindo မျိုးက ကိုယ့်ကိုယ်ကို ကာကွယ်တဲ့ပညာရှိပြီး၊ သားကောင်ဖမ်းတဲ့နေရာမှာတစ်အားကျွမ်းကျင်တယ်လေ။ အဲဒါဟာ ဘာကိုဆိုလိုသလဲဆိုတော့ Jindo မျိုးရဲ့နားမှာ တစ်ခြားသားကောင်တွေမထားပါနဲ့တဲ့ ၊ ထားရင် ဇီဝိန်ချုပ်သွားမယ်ဆိုတဲ့သဘောပါပဲ။ အဲဒီမျိုးဗီဇ ဟာ တစ်ခြားသားကောင်တွေကြားမှာပေါက်ပွားခဲ့မယ်ဆိုရင်တောင် သူတို့ရဲ့ ဗီဇ ဟာပြောင်းလဲဖို့ ခဲယဉ်းပါတယ်။ လူတွေနဲ့တော့တည့်အောင်နေနိုင်ပါတယ်။ လူတွေကိုတော့လုံးဝ မတိုက်ခိုက်တတ်ပါဘူးတဲ့။ Summer က smart ကျတယ်လေ။ သူမရဲ့ အကြားအာရုံကလည်း အံ့မခန်းပါပဲ။ ကျွန်မတို့ အိမ်မှာခွေးလေးတွေမရှိတော့တဲ့ အချိန်မှာ Summer ရောက်လာခဲ့တယ်လေ။ သူမ ကတော့ ကျွန်မတို့အိမ်မှာနေသားကျနေပါပြီ။ လွတ်နေတဲ့နေရာတစ်ခု ကို သူမက ဖြည့်ပေးလိုက်တာပါ။

          သူမဘေးမှာရှိနေတာလေးကိုပဲ ကျွန်မတို့က ၀မ်းသာနေရတာပါ။ သူမ အတွက်လိုအပ်ချက်တွေက နည်းပါးပါတယ်။ ဒါကြောင့် သူမကို စောင့်ရှောက်ဖို့ကလည်း လွယ်ကူတာပေါ့။ ဒါပေမယ့် တစ်ခုခုတော့လိုနေသေးတယ်လို့ ခံစားရတယ်။ တစ်ခြားတစ်ခြားသော ခွေးလေးတွေက ချစ်စရာကောင်းတဲ့ အမူအရာလေးတွေကို ပြကြတယ်။ Summer ကတော့ တစ်ကိုယ်ရည် တစ်ကာယ သမားပုံပဲ။ ကျွန်မတို့ အိမ်ပြန်လာတဲ့ အချိန်ဆိုရင်တော့ ပျော်ရွှင်ကြည်နူးတဲ့မျက်လုံးလေးတွေနဲ့ ပေါ့။ ဒါပေမယ့် သူမရဲ့ပျော်ရွှင်မှုဟာ မိနစ်သုံးဆယ်လောက်ပဲခံတယ်။ လူရှိတဲ့နေရာမှာတော့သူမ နေချင်ပါရဲ့။ ဒါပေမယ့် တစ်ခန်းထဲတော့မဟုတ်ဘူး။

ကျွန်မတို့ အပေါ်ထပ်မှာနေရင် သူမလည်းအပေါ်ထပ်မှာပဲ။ ဒါပေမယ့် သူမကတော့တစ်ခြားအခန်းမှာပါ။ ကျွန်မတို့ အောက်ထပ်ကို ဆင်းရင် သူမလည်းလိုက်လာတာပါပဲ။ ကျွန်မတို့ရဲ့ခြေထောက်လေးနားမှာနေပြီးတော့ ၊ ချစ်ဖို့ကောင်းတဲ့ မျက်လုံးလေးနဲ့ကြည့်နေမယ်လို့ထင်လား? အဲလို မဟုတ်ပါဘူး၊ သူမက တစ်ခြားအခန်းမှာပါ။ နီးတော့ နီးပါတယ်။ဒါပေမယ့် အရမ်း နီးကပ်တဲ့နေရာမျိုးတော့မဟုတ်ဘူး။ သူမက ပွေ့ဖက်တာတို့ ၊ရေချိုးပေးတာတို့ကို မနှစ်သက်ပါဘူး။ ကျွန်မတို့ကလည်း သူမကို ပွေ့ဖက်ချင်တာပေါ့။ အဲလို အချိန်မျိုးမှာတော့ သည်းခံရှာပါတယ်။ ဒါပေမယ့် အခွင့်အရေးရတာနဲ့ ထပြီး၊ ကိုယ်လုံးလေးကို ခါပြီးထွက်သွားတာပါပဲ။ Mike ကတော့ ပြောပါတယ်။“ကျွန်တော်တို့ရဲ့ နွေးထွေးမှုတွေကို သူမက ခါထုတ်တာလားမသိဘူးဆိုပြီးတော့လေ။“ ဘာကြောင့်သူမက ကျွန်မတို့ အရင်မွေးထားခဲ့တဲ့ခွေးလေးတွေလို မပြုမူတာလဲ။ ကျွန်မထင်မိတာက Summer လေးက ကြောင်နဲ့တူတယ်လို့လေ။ ခွေးအက်ျီလေးနဲ့ ကြောင် ကလေးပေါ့ရှင်။

          Summer လေးကတော့ အတိုက် အခိုက်ကောင်း ၊ အကာအကွယ် ကောင်းလေးပေါ့။ အကယ်၍များ တစ်စုံ တစ်ယောက်က ကျွန်မတို့ အိမ်ရှေ့မှာ ကားရပ်ရင် တောင် သူမက အသိပေးတယ်လေ။ တစ်ဖက်လမ်းမှာ တစ်ယောက်ယောက်ကခွေးလေးတစ်ကောင်နဲ့ လမ်းလျှောက်နေရင်တောင် သူမက အိမ်ထဲကနေ “၀ုတ်ဝုတ်“ လို့ဟောင်ပြီး ကာကွယ်နေသေးတာ။ ငှက်တွေရဲ့ နှောင့်ယှက်တဲ့ဒဏ်ကို လည်းမခံခဲ့ရဘူး။ Summer လေးက စောင့်ကြည့်ပေးလို့လေ။ စာပို့သမားလေးသုံးအိမ် အကျောလောက်မှာရှိနေပြီဆိုရင်လဲ ကျွန်မသိနေတယ်။ Summer က ကျွန်မသိအောင်လုပ် ပေးလို့လေ။ ဧည့်သည်တွေလာပြီဆိုရင် လည်း ဟောင်လိုက်သေးတယ်။ ပြီးတော့သေချာစူးစမ်းသေးတယ်လေ။ စိတ်ချရပြီဆိုမှသာ ဧည့်သည်တွေနားက ခွာပြီး အေးအေးဆေးဆေး နေလေရဲ့။

          ခွေးလေးတွေဟာ ကျွန်မမိသားစုဘ၀ ရဲ့ အစိတ် အပိုင်း ဖြစ်နေခဲ့တဲ့ ဒီ အတောအတွင်းမှာ Summer ကတော့ ကျွန်မကို အရမ်းကို အခြေခံကျတဲ့ သင်ခန်းစာတွေပေးခဲ့တယ်လေ။ ခွေးလေးတွေက တစ်ကောင် နဲ့ တစ်ကောင် အကျင့်စရိုက်ချင်းမတူသလို ၊ လူတွေဟာလဲ ထို့ အတူပဲ ဆိုတာကိုလေ။ လူတွေအားလုံးကို အခြေအနေ အရပ်ရပ်မှာတူညီဖို့ မျှော်လင့်နေရင် လည်း အတုအယောင် မျှော်လင့်ချက် ပဲ ဖြစ်လိမ့်မယ်။ အဲဒါကို တူညီဖို့ မျှော်လင့်နေရင် ကိုယ် ပဲ စ်ိတ်ဆင်းရဲရမှာလေ။ ခွေးလေးတွေလဲဒီလိုပါပဲ။ တစ်ချို့ က လူတွေနဲ့ နီးနီးနေရတာကို ကြိုက်တယ်။ တစ်ချို့ ကတော့ မကြိုက်ဘူး။ တစ်ချို့ကျတော့ နှစ်လိုဖွယ်ကောင်းတယ်။ တစ်ချို့ကျတော့လဲ မချိ တင်ကဲ တုံ့ ဆိုင်းဆိုင်းပုံစံလေးပေါ့။ အဲလိုပဲ Summer ဟာလည်း ကျွန်မ ပြုမူစေချင်သလို မပြုမူခဲ့ပါဘူး ။ ဒါဟာ သူမ တစ်ခုခု မှားယွင်းနေတယ်ဆိုပြီး အပြစ်တင်တဲ့ ပုံစံ မျိုးနဲ့ပြောတာမဟုတ်ပါဘူး။ သူမက ကျွန်မတို့ကို မချစ်ဘူးလို့ ပြောတာလည်းမဟုတ်ဘူးနော်။

          Summer လေး အဲဒီ တိုက်ခိုက်မှု ဖြစ်ခဲ့တာက လွန်ခဲ့တဲ့ နှစ်နှစ်လောက်ကပါ။ ကျွန်မတို့ အိမ်မှာ ရက် အနည်းငယ်ပဲဆိုပြီးထားသွားတဲ့ Summer လေး၊ သူအတွက် ကောင်းတဲ့ အစီအစဉ်တစ်ခု ရတဲ့ထိဆိုပြီးတော့လေ။ အဘိုး၊ အဘွား အများစုဟာ သူတို့ရဲ့ မြေးလေးတွေကို တာဝန်ယူလေ့ရှိကြပါတယ်။ ကျွန်မတို့ အိမ်မှာလဲ ဒီလိုကိစ္စမျိုးလေးတော့ရှိလာပါပြီ။ ခြားနားတာ တစ်ခုကတော့ ခွေးမြေးလေး ဖြစ်နေတာပါပဲ။ သူမဟာ ကျွန်မတို့ရဲ့ဘ၀လေးနဲ့ သဟဇာတ ဖြစ်နေပါပြီ။ ကျွန်မတို့ အိမ်ကလည်း သူ့အိမ်ပဲလေ။ ကျွန်မတို့လည်း သူ့ကိုချစ်တယ်လေ။ကျွန်မ လက်ခံထားတဲ့အချက်ကလည်း ဒီလိုအမူအကျင့်လေးနဲ့ သူသာလျှင် Summer ဆိုတာကိုပါ။ သူမလည်း ကျွန်မတို့ကို ချစ်တယ်ဆိုတာ သိပါတယ်။ သူမ မှာရှိသမျှ အစွမ်းအစတွေနဲ့ ကျွန်မတို့ အတွက် အကောင်းဆုံးဖြစ်အောင်လုပ်ပေးတယ်လေ။ Summer က ကျွန်မတို့မှာ ခွေးလေးတွေ ၊ ကြောင်လေးတွေကို ဘယ်လိုပုံစံလေးဖြစ်စေချင်တယ်ဆိုတဲ့ စိတ်ရှိတယ်ဆိုတာကို ပြသခဲ့တယ်။ ဒါပေမယ့် ကျွန်မ လက်ခံလိုက်ပါပြီ။ ကျွန်မလည်း သက်တောင့်သက်သာ ရှိတယ်လေ။ အင်း…. သူမရောပေါ့။

          ဘာသာပြန်သူ-ရွှေပိုးကောင် ၊ Unrealistic Expectations from Chicken Soup for The Soul