ဟိုးရှေးရှေးတုန်းက အဖွားအိုတစ်ယောက်ဟာ
သစ်မြစ် ၊ သစ်ဥ ၊ သစ်ဖု တစ်ချို့ ကို တောထဲမှာ ရှာဖွေဖို့ ထွက်လာခဲ့ပါတယ်။ သစ်မြစ်ရှာဖွေ
တူးဆွပြီး အချိန်အတော်ကြာတဲ့ အခါမှာတော့ အရွက် နဲ့ အမြစ်တစ်ချို့ ဖုန်းအုပ်နေတဲ့ အမွှေးရှည်ရှည်နဲ့
ခြေတစ်ဖက်ကို သူမရရှိခဲ့ပါတယ်။ အဲ့ ဒီ ခြေတစ်ဖက်မှာတော့ အသားတစ်ချို့ ကပ်နေသေးတာမို့
အဖွားအိုအတွက်တော့ မြိန်လိုက်မယ့် ဟင်းလျာပါပဲ။ ဒါကြောင့် အဖွားအိုကလည်း ခြင်းတောင်းထဲ
ထည့်ယူပြီး အိမ်ကို သယ်လာခဲ့ပါတယ်။
သူမ အိမ်ပြန်ရောက်တဲ့ အချိန်မှာတော့ ရေနွေးကို
ပွက်ပွက်ဆူအောင်တည်ပြီး စွပ်ပြုတ်ချက်ပွဲ စတင်ပါတော့တယ်။ အဲ့ဒီ အမွှေးရှည်ရှည် ခြေတစ်ဘက်
စွပ်ပြုတ်ကတော့ သူ့ဘ၀မှာ အကောင်းဆုံးဟင်းလျာပါပဲတဲ့။ စားကောင်းသောက်ဖွယ်နဲ့ တင်းတိမ်သွားတဲ့
အဖွားအိုဟာ ဗိုက်လည်းပြည့်သွားတာမို့ အပြုံးတစ်ချို့နဲ့ အိပ်ယာဝင်ပါတော့တယ်။
ညလယ်လောက်ရောက်တဲ့ အချိန်မှာတော့ ရိုးတွင်းချဉ်ဆီထဲထိ
ချမ်းစိမ့်သွားမယ့် လေအေးဟာ အဖွားအိုရဲ့ အိမ်ကို ခပ်ကြမ်းကြမ်းတိုက်ခတ်ပါတော့တယ်။ လရောင်ပေါ်မှာ
အနက်ရောင်တိမ်တိုက်တစ်ချို့ က တွားသွား လျက် ၊ “ ငါ့ခြေထောက်ပြန်ပေး “ ဆိုတဲ့ အသံနက်ကြီးတစ်ခုဟာတောထဲကနေ ထွက်ပေါ်လာခဲ့ပါတယ်။
ထို
ကြီးမားတဲ့ အသံနက်ကြောင့် အဖွားအို ဟာ ကြောက်အားလန့်အားနဲ့ တရေးနိုးသွားပါရော။
သစ်ပင်ထက်က
လေချွန်သံလိုလို အသံတစ်ချို့ နဲ့ ခွေးအူသံကိုတော့ အဆက်မပြတ်ကြားနေရဆဲပါ။
ညနက်တစ္ဆေရဲ့ အူသံ လိုလို ညဉ်းတွားသံတစ်ချို့ဟာ
ခြံထဲကလို့ ထင်ရလောက်အောင်ထိကို နီးကပ်လာခဲ့ပါပြီ။ အဖွားအိုဟာ အိပ်ရာထဲက ချက်ချင်းကုန်းရုန်းထပြီး
တံခါးကို ဖွင့်လို့မရအောင် ဂျက်ချထားလိုက်ပါတယ်။
ရုတ်တရက် အပြင်က စောင့်တွန်းသလို အသံတစ်ခု
ထွက်ပေါ်ပြီး တံခါးမကြီးရဲ့ မင်းတုန်းဟာ နှစ်ခြမ်းကြိုးသွားခဲ့ပါတယ်။ ညနက်တစ္ဆေဟာ အိမ်ပေါ်ထပ်ကို
ဖြေးဖြေးချင်း တက်လာခဲ့ပါတယ် ။ အဖွားအို ကတော့ ကြောက်အား လန့်အား နဲ့ စောင်ကြားထဲကနေ ချောင်းကြည့်နေလေရဲ့။
သူမမြင်လိုက်ရတာကတော့ ကြီးမားလှတဲ့ ခန္ဓာကိုယ်ကြီးပါပဲတဲ့။ ကြောက်စရာ ညနက်တစ္ဆေဟာ နီရဲနေတဲ့ မျက်လုံးတစ်ချို့နဲ့ အဖွားအိုကို
စူးစိုက်ကြည့်လိုက်ပြီး
“ ငါ့ခြေထောက်ပြန်ပေး “ လို့ ထပ်မံ စူးရဲစွာအော်ဟစ်လိုက်ပါတယ်။
အဖွားအိုကတည့်တည့်မတ်မတ်ရပ်လိုက်ပြီး “အမွှေးရှည်ရှည်နဲ့
ခြေထောက်ကို ကျွန်မ စားပစ်လိုက်ပါပြီ” လို့ ကြောက်အားလန့်အားနဲ့ ပြန်ပြောလိုက်သတဲ့။
“စားပစ်လိုက်တာ
မင်းလား” လို့ပျော့ပျောင်းညင်သာတဲ့ အသံနဲ့ ပြောပြီး တဖြည်းဖြည်းချင်း အဖွားအိုအနီးနားကို
ရောက်ရှိလာပါတော့တယ်။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
အဲ့ဒီအချိန်ကစပြီး အဖွားအိုနဲ့ အနီးနားမှာနေတဲ့
အိမ်နီးချင်းတွေဟာ အဖွားအိုကို မတွေ့ရတော့ပါဘူး။ သူမပျောက်သွားတဲ့ တစ်ခုတည်းသော သက်သေကတော့
အိမ်ပတ်လည်နဲ့ အိမ်ထဲက ခြေရာအကြီးကြီးတွေပါပဲ လို့ သူမရဲ့ အိမ်နီးနားချင်းတွေက ပြောကြပါတယ်။
ဒါပေမယ့် အဲ့ဒီခြေရာတွေမှာတော့ ဘယ်ဘက်ခြေရာကို သူတို့ မတွေ့ခဲ့ရပါဘူး။
(Translated
by Shwe Poe Kaung , from a scary short story by S.E. Schlosser)